Curaçao Clean Up – Djasabra 24 di Sèptèmber 2016
e “Clean Up”
Mas ku 145 mil persona ta biba riba nos isla. Kada un di nos ta produsí mas o menos 2 kilo na shushi pa dia. Na momentu ku bo ta kore rònt bo ta mira shushi kantu di kaya, na nos playanan i asta den laman. Komo yu di Kòrsou nos tur ta responsabel pa tene nos isla limpi. Ku e di kuater edishon aki di Curaçao Clean Up nos ke konsientisá i aktivá tur siudadano pa sali kas djasabra 24 di sèptèmber, 2016 i yuda limpia nos isla.
Curacao Clean Up 2014
Riesgu
Partisipashon den e “Curaçao Clean Up” ta bou di bo propio riesgu. E organisashon di Curaçao Clean Up no ta tuma ningun responsablidat pa daño of herida ku por resulta dor di partisipashon den e evento aki. E organisashon no ta responsabel tampoko pa ladronisia, perdida of daño na propiedat priva òf propiedat di otronan.
