WILLEMSTAD – E aña aki atrobe Curaçao Clean Up a duna e partisipantenan ku a destaká durante e akshon di limpiesa di mas grandi na mundu, World Clean Up Day,un atenshon spesial.

E gruponan ku a destaká e aña aki ta e banda One Flavaz ku Dibo D na kabes. E integrantenan di e banda no solamente a partisipá na e akshon di limpiesa pero a traha un pelíkula pa konsientisá pueblo pa tene nos isla limpi i ku a bai viral pa miles di hende. Irie Tours a regalá e grupo aki trep pa Klein Kòrsou.

Otro grupo ku a destaká ta e grupo di Zeeverkenners di muchamuhé. Nan ta un dje poko gruponan ku a tene nan mes na e tema di Superhero, ku tabata un initiativa di e 2 miembro di e grupo. The Movies a regalá e grupo di Zeeverkennerij teket pa sine.

E aña aki Curaçao Clean Up a disidí na duna atenshon tambe na kompanianan di ekipo pisá ku ta duna un man durante e akshon di limpiesa tur aña. E kompania ku a destaká den e kategoria aki ta e kompania di servisio Godart Services ku tur aña ta pone su pickupnan disponibel I pa años ta piki e sakunan di shushi kant’i di kaminda i hiba landfill. Pizzahut a hasi entrega di premio na Godart Servives.

Curacao Clean Up un be mas ta gradisí tur partisipante i spònser na e akshon di limpiesa di mas grandi na mundu ku ta World Clean Up Day 2025.

Riba potrèt 1: drpd
3 integrante di One Flavaz ku Dibo D na kabes, siguí pa Myrthe George, Sharo Bikker i Jenny Ignacio di Curaçao Clean Up.

Potrèt 2: drpd
Sharo Bikker, Curacao Clean Up, Marsheline Satiroma the Movies, e iniasiadónan di Zeeverkennerij I un mayor, Jenny Ignacio di Curaçao Clean Up.

Potrèt 3: drpd
Jenny Ignacio Curaçao Clean Up, manager Pizzahut, Diona Angela di Godart Services, Sharo Bikker Curaçao Clean Up